Til vina taugakerfisins

October 6, 2016

Auður Guðjónsdóttir skrifar 6. október 2016 07:00



Á því ári sem liðið er frá því stjórnvöld og 26 þúsund aðrir Íslendingar náðu inn í stefnuyfirlýsingu Sameinuðu þjóðanna ákvæði um að þjóðir heims skuli vinna að því að bæta meðferðir við skemmdum í taugakerfinu hefur ýmislegt verið gert til að fylgja málinu eftir. Kristján Þór Júlíusson heilbrigðisráðherra vakti athygli á starfi Íslands í þágu taugakerfisins á Alþjóðaheilbrigðisþinginu í Genf og hefur lagt til við Norrænu ráðherranefndina að Norðurlöndin setji sameiginlega á fót rannsóknarsetur fyrir mænuskaða. Ólína Kjerúlf Þorvarðardóttir alþingismaður hefur vakið athygli norrænna sósíaldemókrata á verkefninu sem leitt hefur til að sósíaldemókratar hafa lagt fram tímamótatillögu í þágu taugakerfisins sem tekin verður til umfjöllunar á Norðurlandaþinginu í nóvember næstkomandi. Tillöguna má lesa hér: https://www.norden.org/da/nordisk-raad/sager-og-dokumenter/a-1683-velfaerd/

Lilja Dögg Alfreðsdóttir utanríkisráðherra hefur leitað eftir því við Norrænu ráðherranefndina að nefndin taki upp ofangreint ákvæði úr stefnuyfirlýsingu Sameinuðu þjóðanna og geri Norðurlöndin að leiðandi afli á sviði taugakerfisins. Taki frændur okkar á Norðurlandaþingi vel í málaleitan ráðamanna okkar og samþykki að láta greina stóru norrænu rannsóknarmynd taugakerfisins og samkeyra upplýsingarnar gæti það orðið fyrsti vísir að alþjóðlegu átaki til aukins skilnings á hvernig taugakerfið starfar.

Eins og flestir vita gengur afar hægt að finna lækningu í taugakerfinu svo sem við heila- og mænuskaða, geðsjúkdómum, Alzheimer, Parkinsonveiki, flogaveiki, MS, MND og fleiru. Helsta ástæðan er sú að taugakerfið er flókið og læknavísindin hafa ekki fullan skilning á hvernig það starfar. Þess vegna þarf vísindasvið taugakerfisins nauðsynlega á pólitískri aðstoð að halda frá alþjóðasamfélaginu. Við Íslendingar lögðum á brattann með taugakerfið hjá Sameinuðu þjóðunum til að skapa grundvöll fyrir alþjóðlegt átak til aukins skilnings á því. Við komumst á rekspöl og leitum nú eftir við hin norrænu ríkin að þau standi með okkur. Greinarhöfundur biður þá íslensku alþingismenn sem sitja munu þing Norðurlandaráðs í nóvember að tala hátt og snjallt máli taugakerfisins á þinginu. Með því gæta þeir ekki einungis hagsmuna Íslands heldur allrar heimsbyggðarinnar.

Nýlegar færslur

August 6, 2025
Auður Guðjónsdóttir hefur í yfir þrjá áratugi barist fyrir rannsóknum á mænuskaða eftir að Hrafnhildur dóttir hennar lamaðist í alvarlegu bílslysi. Við heyrum sögu Auðar og Hrafnhildar heitinnar í þættinum í dag.
October 29, 2024
Í dag ávarpaði Auður Guðjónsdóttir heilbrigðisnefnd Norðurlandaráðs, en Norðulandaráðsþingið er haldið hér á landi í ár dagana 28.október til 31. október. Auður Guðjónsdóttir fyrir heilbrigðisnefnd Norðurlandaráðs  RæðanFrétt MBL.isFrétt DV.is
August 6, 2024
Undanfarið hefur ný auglýsing Mænuskaðastofnunar Íslands „ Ákallið til veraldarinnar um að lækna þá lömuðu“ verið sýnd á RUV og á samfélagsmiðlum og á Íslandi einu hefur verið horft á hana yfir milljón sinnum á samfélagsmiðlunum. Ég vil þakka Íslendingum fyrir að hafa styrkt gerð þessarar fallegu auglýsingar og fyrir alla þá hjálp sem þeir hafa veitt mér og Mænuskaðastofnun í gegnum árin. Þó að ég leiði mænuskaðaverkefnið lít ég svo á að það sé verkefni allra Íslendinga því tugir þúsunda þeirra, ef ekki fleiri, hafa lagt hönd á plóg á margvíslegan hátt.
January 5, 2024
Bréf nr. 3 frá Amina J. Mohammed
December 20, 2023
Mænuskaði (SCI) er lífsbreytandi atburður sem getur stafað af sjúkdómi eða áverka (1). Samkvæmt Alþjóðaheilbrigðismálastofnuninni (WHO) eru helstu orsakir mænuskaða bílslys, fallslys og ofbeldi, þar á meðal sjálfsvígstilraunir (2). Mænan gegnir mikilvægu hlutverki í því að bera boð milli heila og líkamans, sem gerir fólki kleift að hreyfa sig og finna skynjun. Áverkar á hrygg geta skaðað mænu, sem veldur því að þessi samskipti milli heila og líkamans rofna. Þegar mænuskaði á sér stað, verða hreyfing og skynjun fyrir truflunum, sem getur leitt til virknitaps, lömunar og skynjataps. Auk þess að missa hreyfigetu geta einstaklingar með mænuskaða upplifað verki, breytingar á kynlífsstarfsemi, skert þvag- og hægðastjórnun og óstjórnlegan vöðvaspama, ásamt öðrum líkamlegum og andlegum einkennum (3). Mænuskaði er flokkaður sem alger eða ófullkominn skaði. Meira en helmingur þeirra sem fá mænuskaða verða fyrir algerum skaða, sem veldur algjöru tapi á hreyfi- og skynstarfsemi fyrir neðan skaðann. Hins vegar hafa sumir einstaklingar ófullkominn skaða, sem þýðir að þeir halda hluta af starfsemi sinni og geta náð einhverjum bata. 
October 10, 2023
Styrkur til Háskóla Íslands. Rektor Háskóla Íslands, Dr. Jón Atli Benediktsson, prófessor Thor Aspelund og Auður Guðjónsdóttir, skurðhjúkrunarfræðingur og stjórnarformaður Mænuskaðastofnunar Íslands (ISCI). Heiti verkefnis: Mænuskaði og gervigreind. Mænuskaðastofnun Íslands styrkir Háskóla Íslands.
October 2, 2023
Auður Guðjónsdóttir, skurðhjúkrunarfræðingur og stjórnarformaður Mænuskaðastofnunar Íslands, hitti Amina J. Mohammed, aðstoðarframkvæmdastjóra Sameinuðu þjóðanna, á Íslandi og vakti athygli hennar á innihaldi meðfylgjandi bréfs.
August 19, 2022
Yðar Excellence, Aðalmarkmið þessa bréfs er að biðja yður, valdamesta einstaklinginn í heiminum á sviði heilbrigðismála, um að lýsa því opinberlega yfir að finna verði lækningu við lömun. Jafnframt vil ég hvetja fjármálalega sterka aðila, sérfræðinga í gervigreind, vísindamenn og lækna til að sameina krafta sína og deila þeirri vísindalegu þekkingu á taugakerfinu sem þegar er til staðar. 
May 10, 2022
14.1 G. Drög að þverfaglegri alþjóðlegri aðgerðaáætlun um flogaveiki og aðra taugasjúkdóma til stuðnings almennri heilbrigðisþjónustu (skjal A75/10 Add.4).
May 3, 2022
Kæra frú forseti, Ég vil þakka Dr. Tedros fyrir einlæga ræðu hans í gær, fyrir sanna forystu á erfiðum tímum og fyrir að velta því fyrir sér að því miður stöndum við reglulega frammi fyrir ógnunum og afleiðingum stríðs. Samt vitum við og trúum því að friður sé forsenda velferðar.
Sjá meira