5000 undirskriftir afhentar framkvæmdastjóra WHO

Íslenskt frumkvæði lofað

Auður Guðjónsdóttir, skurðhjúkrunarfræðingur og stjórnarformaður Mænuskaðastofnunar Íslands (ISCI), hitti Zsuzsanna Jakab, svæðisstjóra WHO fyrir Evrópu, og afhenti henni 5000 undirskriftir frá íbúum Norðurlandanna. Með undirskriftunum er WHO skorað á að leggja allt kapp á að tryggja alþjóðlegt samstarf í leitinni að lækningu á mænuskaða.

Síðastliðinn desember, á meðan á sjónvarpsherferðinni „Lamaða brúðan“ stóð, var auglýsingin sýnd samtímis í sjónvarpi á Íslandi, Danmörku, Svíþjóð, Færeyjum, Finnlandi og Noregi í þrjár vikur. Á þeim tíma söfnuðust um 5000 undirskriftir í norrænni áskorun sem kallaði eftir því að WHO hófi alþjóðleg átök á sviði mænuskaðarannsókna.

Zsuzsanna Jakab hrósaði íslenska frumkvæðinu og fullvissaði Auði Guðjónsdóttur um að allar tillögur yrðu vandlega skoðaðar.

Mænuskaðastofnun Íslands (ISCI) heldur úti alþjóðlegum gagnagrunni um nýjungar í meðferð mænuskaða. Gagnagrunnurinn er netmiðaður og aðgengilegur á ensku, spænsku, arabísku, rússnesku og kínversku.

Myndin var tekin í höfuðstöðvum WHO Regional Office for Europe í Kaupmannahöfn og sýnir Zsuzsanna Jakab (svæðisstjóra WHO) til vinstri og Auði Guðjónsdóttur (stjórnarformann ISCI).