Ísland fær taugakerfið skráð í skjöl Sameinuðu þjóðanna

Síðastliðinn 8. júní sendu átta samtök einstaklinga með taugasjúkdóma og -áverka á Íslandi, ásamt næstum 26 þúsund Íslendingum – eða um 11% af íbúafjölda landsins – bréf til Ban Ki-moon, aðalframkvæmdastjóra Sameinuðu þjóðanna. Í bréfinu var farið fram á að Sameinuðu þjóðirnar gerðu „aukinn skilning á starfsemi taugakerfisins“ að einu af nýju þróunarmarkmiðunum, sem stofnunin ætlaði að samþykkja í september síðastliðnum.

Við náðum ekki okkar endanlega markmiði, en okkur tókst engu að síður að tryggja að taugakerfið væri nefnt í pólitískri yfirlýsingu leiðtoga heimsins. Taugakerfið er því skráð í skjöl Sameinuðu þjóðanna sem eitt af þeim málum sem verður unnið að næstu 15 árin.

Yfirlýsing nr. 26

Til að efla líkamlega og andlega heilsu og vellíðan og til að lengja lífslíkur allra verðum við að tryggja almennan aðgang að heilbrigðisþjónustu af hágæða og að engin verði skilin eftir.

Við skuldbindum okkur til að flýta framförum í minnkun ungbarna-, barna- og mæðradauða með því að stöðva öll slík fyrirbyggjanleg dauðsföll fyrir árið 2030. Við skuldbindum okkur einnig til að tryggja alhliða aðgang að kyn- og frjósemisheilbrigðisþjónustu, þar á meðal fjölskylduáætlun, upplýsingar og fræðslu.

Við munum einnig hraða árangri í baráttunni gegn malaríu, HIV/AIDS, berkla, lifrarbólgu, ebólu og öðrum smitsjúkdómum og faröldrum. Þetta felur í sér að bregðast við vaxandi sýklalyfjaónæmi og að leysa úr læðingi viðbrögð við óséðum sjúkdómum sem hafa áhrif á þróunarlönd.

Við skuldbindum okkur til að koma í veg fyrir og meðhöndla sjúkdóma sem ekki eru smitandi, þar á meðal hegðunar-, þroska- og taugasjúkdóma, sem eru stór áskorun fyrir sjálfbæra þróun.